|
|
|
 |
|
|
Kuida bo oido den karnaval
By Gobièrnu di Kòrsou
Posted: Jan 15, 2005 15:02 UTC |
WILLEMSTAD – Un hende su oido ta algu masha valioso pero masha delikado i mester tene kuenta kuné, speshalmente den temporada di Karnaval.
Hopi hende ta disfrutá den jump up i marcha, sin tene kuenta ku e zonido duru di e spikernan por ta dañino pa oido.
Servisio di Komunikashon i Informashon di Gobièrnu di Kòrsou, komo parti di su proyekto “Topiko di Luna” ku e luna aki ta dediká atenshon na diferente aspekto di Karnaval, ke atvertí tur hende ku ta partisipá na aktividatnan di Karnaval pa tene bon kuenta ku zonido muchu duru por afektá bo oido.
Ta midi zonido pa medio di desibèl i e kantidat normal pa hende ta 75 desibèl. Pero ora midi zonido di e spikernan den jump up, jump in òf marcha, mayoria bes ta midi zonido ku ta yega te na 120 desibèl.
Investigashon a demostrá ku si un hende ta konstantemente eksponé na un zonido asina duru, e por pèrdè su oido parsialmente den mas o ménos 7 minüt.
Tuma bon nota di esaki i sòru pa bo no ta konstantemente eksponé nan zonido muchu duru. Buska un kaminda ku e zonido no ta masha duru pa asina bo oido por haña deskanso. Miho ainda, proteha bo oido dor di usa dòpi pa orea di bon kalidat, ku ta yuda disminuí e zonido. E prekoushonnan aki por yuda protehé bo oido i evita ku den futuru bo no ta tende bon.
|
|
|
|
|
 |
|
|
|
|
You may bookmark this web page, print it or e-mail it to
a friend in accordance with the fair-use provisions of
copyright laws. The material is intended solely for the use
of the individual user.
Archiving, redistribution, or republication of this
material
on other terms, in any medium, requires the express
written permission of the author or publication and the
notification of the editors of Caribseek News. |
|
|
|
|
|
|
|
