|
|
|
 |
|
|
Churandy Martina ta gana Grand Prix di Madrid!
By www.churandy.com
Posted: Jul 6, 2008 01:53 UTC |
MADRID / WILLEMSTAD - Despues di a gana e kompetensia FBK Games (Hulanda) i a sali puesto number 4 na Berlin (Alemania) nos atleta Olimpiko Churandy Martina, a sufri di un leshon leve. El a wordu tratá na tantu Korsou komo Hulanda, kaminda el a opta pa kanselá su kompetensia na Merka.
Djasabra 5 di yuli, sinembargo Churandy a presenta masha motivá na Madrid, kaminda e Grand Prix a wòrdu organisá, ku atletanan fuerte manera Francis Obikwelu (Portugal) i tambe Kim Collins (St. Kitts).
Despues ku den e prome heat Churandy a okashona un start falsu, ela logra toch di sali di dos, net tras di Obikwelu. Churandy a marka e tempu 10.11 sek, ku ta un tempu bastante skerpi konsiderando su rekuperashon i tambe e kontrabientu fuerte ku ta tin.
Den e final, djasabra anochi 21.30 or Churandy a kore den baan 4, atrobe pegá ku Obikwelu. El a logra di gan'é e biaha aki ku un tempu hasta mas rapido di 10.03 sekonde, kaminda e kontrabientu tabata -1.1 meter pa sekonde.
Churandy su proksimo kompetensia ta e Golden Leauge di Roma (Italia) otro siman djabierne 11 di yuli 2008.
Minister Leeflang a supsidiá e programa di Churandy, kaminda awor e por ta akompañá pa ku su entrenador Wendell Prince.
|
|
|
|
|
 |
|
|
|
|
You may bookmark this web page, print it or e-mail it to
a friend in accordance with the fair-use provisions of
copyright laws. The material is intended solely for the use
of the individual user.
Archiving, redistribution, or republication of this
material
on other terms, in any medium, requires the express
written permission of the author or publication and the
notification of the editors of Caribseek News. |
|
|
|
|
|
|
|
