Dos tapushi’i maishi, kabes mará, ta papia ku otro

Pater Brenneker

Dos tapushi’i maishi, kabes mará, ta papia ku otro.

 “Hei bru, ta hasi masha kalor ku e paña aki na mi kabes; yu di mama ta mal hende bo sa!”

“Kuidou sua, no papia asina: nos no sa kiko ta bon, kiko ta malu. Sin ku nan a mara nos kabes, nos lo tabata den stoma di prikichi kaba; pasobra aña ta malu”.

“Aña malu, aña malu, ta dependé pa ken. Malu pa nos i malu pa kabritu, ta bon pa kachó ku warawara. Ta nan ta fiesta”.

“No sua, kuidou. Ta nan tin fiesta? Bo’n tende ku na Wechi un shon a stroi venenu riba morto di un lamchi i tur warawara a muri? Bo ta yama esei fiesta? Nos dos tapushi’i mashi bobo no sa nada di bon i di malu. Mi ke ku Piang tin rason. Ayera tardi el a pasa akinan i e tabata gruña den su mes: Loke Dios ta hasi ta bon hasí”.

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)

Comment Article: Share Your Thoughts On This Article With Us

Follow Caribseek News On