A Kuminsá Eliminá Lista Largu Di Espera Pa Saka Sédula

Ministerio Maneho di Gobernashon, Planifikashon i Servisio Públiko

WILLEMSTAD -- Awe 5 novèmber 2013 a tuma lugá entrega ofisial di e sédula for di e mashinnan nobo ku Servisio di Asuntunan Públiko a atkerí. 

Minister van der Horst enkargá ku e ministerio di Maneho di gobernashon, Planifikashon i Servisio Públiko a e entrega ofisial na sra. Madeline Martina-Ramazan i sra. Margi Carty Martina. Ku e akto simbóliko aki a inougurá entregamentu di sédula for di e mashinnan nobo.

Bentana di Informashon a kuminsá yama klientenan ku tin sita pa traha sédula den 2014 pa nan haña otro sita mas tempran. Awor aki sitanan pa traha e karnèt di identifikashon ta kore te ku mei 2014. Ministerio di Maneho di Gobernashon, Planifikashon i Servisio Públiko ta kuminsá un akshon pa redusí e lista di espera di 5 luna pa 8 siman. Bentana di Informashon ta bai yama alrededor di 6000 persona pa adelantá nan sita. Tur personanan aki lo haña sita den e próksimo simannan. 

Den su afan pa yuda mas tantu hende posibel, Servisio Públiko (Kranshi) ta habri su portanan oranan èkstra den e próksimo lunanan. Durante di e oranan aki ta yuda solamente klientenan ku sita pa traha sédula. Bentana di Informashon ta yama tur kliente ku tin sita den 2014 trahá kaba. No ta nesesario pa klientenan yama pa kambia e afsprak.
Intenshon ta pa na 2014 tur sita pa sédula nobo keda traha denter di maksimal 2 siman.

Klientenan ku tin sita pa traha sédula den novèmber òf desèmber mester pasa traha sédula riba e dia stipulá. Pa nan e sita no ta kambia. 

Produktonan ku mester bin kuné
Ora klientenan bai Servisio Públiko (Kranshi) pa traha sédula mester bai ku e siguiente dokumentonan:

  • Hóbennan for di 12 aña ku ta saka promé sédula, mester presentá ku un mayor òf un adulto(tutor). Mester trese identifikashon válido, di mayor òf tutor, buki di kasamentu òf buki di famia.
  • Personanan ku a pèrdè sédula òf ku nan sédula a ser hòrtá mester bin ku reibeweis òf pasport válido i deklarashon di polis (no mas bieu ku 6 luna)
  • Personanan ku no tin nashonalidat ulandes mester trese pasport òf reibeweis válido i pèrmit di estadia válido ku ta registrá na Servisio Públiko.
  • Personanan ku tin nashonalidat ulandes, pero ku no a nase na Kòrsou, ta presentá ku nan deklarashon "niet van toepassing" of deklarashon "van rechtswege".

Gastunan pa un sédula pa hóben entre 12 i 17 aña ta 1 florin i adulto 15 florin. Personanan ku a pèrdè sédula òf ku nan sédula a ser hòrtá ta paga 10 florin riba e tarifa normal. Pa mas informashon bishitá Lokèt Digital riba www.gobiernu.cw. Òf yama Bentana di Informashon di Vergunningenloket na 0800-1515.

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)
Filed Under: Curacao

Comment Article: Share Your Thoughts On This Article With Us

Follow Caribseek News On