Prome Minister Mike Eman na celebracion:

Ta Hopi Reto RCA A Pasa Aden Pa Por Celebra Awe 80 Aña

Gobierno di Aruba

ORANJESTAD -- Diasabra anochi cuminsando un ceremonia religioso na nan sede, e ekipo RCA (Racing Club Aruba) a celebra nan 80 aña di existencia, den presencia di un grupo grandi di invitado, entre otro Gobernador Fredis Refunjol y Prome Minister Mike Eman.

Tabatin un ambiente hopi agradabel, familiar, y unda cu den e discurso di Prome Minister Eman, a manda hopi elogio na e hungadonan, pero principalmente e boluntarionan, cu a duna hopi ora di nan bida, pasando den hopi reto cu awe e club di Companashi por a celebra su 80 aña di existencia. Pero prome cu esey e mandatario a pidi un minuut di silencio pa dirigentenan, fiel fanaticonan di RCA, cu awe no t’ey mas pa celebra un hecho asina special.

“Nos ta sumamente orguyoso cu e sentimentonan pa sirbi un ekipo, pa carga e responsabilidad, cuida y entrena hobennan pa nan bira exitoso local y internacionalmente, ta pasa di un generacion pa otro ...,” referiendo con por ehempel famianan ta sigui otro den e amor y dedicacion pa traha pa RCA Club, manera p.e. ta e caso di Roland Acosta, fayeci recientemente, y su yiu Ditto Acosta, presidente actual di RCA. Tambe e mandatario a recorda tur e gloria di RCA, principalmente representando Aruba y haciendo henter un pueblo orguyoso na varios ocasion. “Na hopi ocasion nos a sinti e orguyo di ta Arubiano na momento cu e ekipo y deportistanan di RCA, den diferente ramo, cada bes tabata sa di saca cara di Aruba.”

Prome Minister Eman a felicita tur esnan cu a carga RCA den su 80 aña di existencia, esnan cu t’ey y no t’ey mas, pa kendenan el a pidi un aplauso fuerte. “Nos ta orguyoso di e trabou grandi cu nan ta haci. Den nomber di Gobierno, un pabien pa e trabou grandi cu RCA ta haci. Nos Gobierno t’ey cu RCA y tur ekipo cu ta haci un diferencia grandi pa nos hobennan na Aruba.”

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)
Filed Under: Aruba
Click Tag(s) for Related Articles:

Comment Article: Share Your Thoughts On This Article With Us

Follow Caribseek News On