Competidornan Di ODESUR 2014 Den Preparacion Cerca CEMEDAR Sports Medicine

Cemedar Sport Medicine

ORANJESTAD -- For di luna di September 2013, CEMEDAR Sports Medicine a inicia cu su preparación cerca e atletanan cu lo participa den e  Weganan Suramericano cu otro lo tuma lugar na Santiago, Chile.

E prome medicionnan di composicion corporal, dinamometria di “flexores” di e mannan y diferente otro test a tuma luga den luna di December 2013, pero na inicio di aña 2014 tur e federacionnan envolvi den e Wegannan Suramericano a ricibi notificacion di parti di e Oficina Cemedar cu e solicitud di cada participante, e resultadonan di testnan di Laboratorium, esta test di sanger, urina y un test “stomatologico”/dentista.

E argumento duna pa e peticion aki a bay acorda cu e cuido cu CEMEDAR Sports Medicine, subsidia pa Gobierno actual ta capas di ofrece. “Ora e volumen di carganan di entrenamento ta cuminsa hisa e sistema inmunologico di e atleta por wordo afecta y esey por trece no solamente un descenso di e prestacion deportivo sino un afectacion riba e salud di e atleta sino ta ricibi e cuido necesario”.

Evaluacionan bioquimico riba tereno a tuma lugar como parti essencial di e proceso. Den e area di Fisioterapie y Chiropractic areglonan a wordo hasi pa nan ricibi atencion inmediato y cu frecuencia rekeri pa nan recupera mas liher cu ta posibel.

E acostumbra sports massage como tratamento y un forma profilactico of di prevencion riba tur e participantenan. E “Diario di Alimentacion pa 7 dia”  a wordo reparti den e selecionnandonan como parti di e proceso di nutricional pa haya sa kiko e atleta ta come pa dia specificamente y plannan por wordo traha. Tambe conhuntamente cu e area di Psicologia di alto rendimento tur esaki a cuminsa duna resultadonan desea entre algun participante.

CEMEDAR Sports Medicine ta extende su servicionan pa tur atleta di federacion debidamente organisa principalmente ora mester sigura e salud di e deportista y contribui na e obhetivonan di e federacionnan. E medicina deportivo ta vincula cu elementonan metodológico di e preparacion, incluyendo aspectonan manera e evaluacion di e desaroyo di e capacidadnan fisico (Forsa, Resistencia, Velocidad, Coordinacion y Flexibilidad). Tambe e asimilacion di e carganan di entrenamento, e profilaxis y tratamento di lesionnan deportivo.

Entre e projeccionnan pa e siguiente aña tin pa amplia e servicionann y e apertura di departamentonan nobo, incluyendo evaluacionnan funcional, cardiorespiratorio, neuromuscular y biomecanico.

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)
Filed Under: Aruba

Comment Article: Share Your Thoughts On This Article With Us

Follow Caribseek News On