Gabinete Mike Eman II A Drenta Sede Nobo Di Gobierno: Edificio Cocolishi

Gobierno di Aruba

ORANJESTAD -- Momentonan despues di keda presenta formalmente na publico y riba e mesun dia cu Gabinete Mike Eman II a huramenta dilanti di Gobernador, e nuebe Minister a drenta pa prome biaha den e edificio nobo y moderno di gobernacion.

Di e manera aki ta duna inicio oficial na un fase nobo den un estilo nobo di gobernacion na Aruba.

Prome Minister Mike Eman y su coleganan ta demostra cu nan ta para tras di loke nan ta bisa. Cuater aña pasa a rescata edificio di Bestuurskantoor for di ruina y olvido cu el a wordo laga aden y cuater aña despues ta drenta den un Cocolishi mahestuoso. Su dimension y arkitectura ta manifiesto di un vision cu ta wak dilanti pa futuro y pa innovacion, sin lubida ni laga atras su historia y herencia.

E structura antiguo di Bestuurskantoor riba boulevard den algun tempo ta bay drenta su proceso di restauracion pa preserva su balor monumental, mientras cu henter e area rond di dje lo comberti den Plaza Padu, e centro historico di Oranjestad.

Tur minister a keda masha complace cu loke nan a mira y pronto cada un ta bay ocupa e diferente espacio cu tin asigna pa asina Gobierno di Aruba ta comunica di un manera ainda mas eficiente y ta spaar caha di pueblo miyones di Florin na huur. Na momento cu Gabinete a drenta e facilidad, e luznan di Cocolishi a sende pa di manera simbolico ilumina e caminda di e proximo periodo di Gobierno. 

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)
Filed Under: Aruba

Comment Article: Share Your Thoughts On This Article With Us

Follow Caribseek News On