Cu cambio di ley laboral limite salarial di ordenansa laboral lo wordo acopla na salario minimo

Ministry of Tourism, Transportation and Labour
Un 80% di nos tahadornan ta bay haya proteccion di e ley aki.

ORANJESTAD -- Mirando e mundo moderno cu nos ta bibando aden, Minister Otmar Oduber ta di opinion cu nos mester keda concentra riba e prosperidad econonomico di nos pais y pa por logra esaki mester pensa riba proteccion di e trahador.

Cambionan den ordenansa laboral ta sali for di e punto di bista pa proteha mas trahador. Situacion actual ta stipula cu 60% so di nos forsa laboral ta cay bou di e ley aki.  E concepto nobo cu Minister Oduber kier introduci na 2013, ta bay logra cu 80% di nos trahadornan haya proteccion di e ley aki, lo cual ta un aumento sigunificativo y cu por beneficia mas famia na nos isla.
E limite salarial awor aki ta  Afl. 32,214.00 pa aña, cu ta Afl. 2,685.00 pa luna. Riba e salario aki e trahador no ta protehi pa ley di e orarionan maximo cu e por  traha pa dia of pa luna, ni di su momentonan di sosiego. Contando cu e aprobacion di Parlamento e cambio den Ordenansa Laboral ta bay bin cu un otro sistema di calcula e limite salarial aki. Personanan cu salario te cu Afl. 3,209.20 pa luna lo ta protehi pa e ley nobo di Ordenanza Laboral aki.
Den comienso di añanan ‘90 e limite salarial di e ordenansa laboral tabata pareu cu e ley salarial di seguro di malesa di SVB, 20 aña a pasa y e limite salarial di SVB a sigui crece mientras cu esun di Ordenansa Laboral a keda pega. Minister Otmar Oduber mirando e desbalance aki a presenta e cambio di ley caminda por ahuste y haci’e mas adecua.
Motibo cu a acopla e limite salarial na e salario minimo ta pasobra e ley cu ta reglamenta e salario minimo tin un mecanismo di adaptacion, cu si den un aña e salario minimo aumenta, mas cu claro e limite salarial tambe lo aumenta. Esaki ta trece cu ne desaroyonan nobo pa Aruba. 
Esaki ta un cambio hopi positivo pa e trahador, pasobra manera e regla ta awor aki e trahador no tin ningun garantia cu su salario lo hisa si tin inflacion. Una bes cu acople cu e salario minimo cu si ta mara na inflacion, automaticamente e ta bira un limite salarial cu ta mas dinamico y cu ta tene cuenta cu desaroyonan den nos comunidad.

Untitled 1

LIKE Caribseek News on Facebook to participate to WIN an iPad.

Social Sharing
Rate this item
(0 votes)
Filed Under: Aruba

Comment Article: Share Your Thoughts On This Article With Us

Follow Caribseek News On