|
|
|
 |
|
|
Workshop pa maestronan stimula lesamento
By Gobiernu di Aruba
Posted: Oct 1, 2009 11:29 UTC
|
ORANJESTAD – Biblioteca Nacional ta organisa diferente workshop pa maestronan di scol p’asina nan por stimula lesamento cerca muchanan.
Den cuadro di e festival di buki pa mucha, Biblioteca Nacional kier envolvi e maestronan na un manera activo door di organisa workshop pa nan. E workshop tin como obhetivo pa entusiasma y inspira e maestro pa na un forma critico traspasa e criterionan relaciona cu e tema na e alumnonan. E tema pa e festival di buki ta: “Lesa buki, nos cos dushi” y lo dedica atencion na nutricion: tanto cuminda saludabel como cos dushi. Pues e maestronan lo haya instrumentonan pa stimula e muchanan pa lesa buki y tambe pa stimula nan pa tuma un conducta pa come saludabel.
Durante e workshop lo pone enfasis ariba crea un ambiente di lesamento agradabel, exposicion di material cu ta promove alimentacion saludabel y movecion, traha cu buki den klas, actividadnan cu por haci relaciona cu e tema, traha cu dicho y proverbio etc.
Lo organisa dos workshop, uno na San Nicolas y uno na Oranjestad y cada workshop ta dura dos ora. Cada scol basico por participa cu un maximo di cuatro maestro. E fechanan lo ta na Oranjestad 19 y 21 di oktober di 3 or pa 5 or di atardi y na San Nicolas 20 y 22 di oktober di 3 or pa 5 or di atardi. Por inscribi na Bibioteca Nacional.
|
|
|
|
|
 |
|
|
|
|
You may bookmark this web page, print it or e-mail it to
a friend in accordance with the fair-use provisions of
copyright laws. The material is intended solely for the use
of the individual user.
Archiving, redistribution, or republication of this
material
on other terms, in any medium, requires the express
written permission of the author or publication and the
notification of the editors of Caribseek News. |
|
|
|
|
|
|
| |
|
