|
|
|
 |
|
|
Cambionan proponi pa Codigo Civil di Aruba
By Gobiernu di Aruba
Posted: Sep 24, 2009 20:53 UTC
|
ORANJESTAD – Un comision instala pa ministro di Husticia a propone diferente cambio pa e Codigo Civil di Aruba.
Na aña 2002 a introduci un Codigo Civil nobo pa Aruba pero diferente topico importante a keda falta. E practica huridico tampoco no a keda para keto, loke tin su consecuencianan pa e Codigo Civil.
Ministro di Husticia a instala un comision na 2008 cu a haya e tarea pa duna un conseho preliminar ariba e cambionan proponi pa e Codigo. E comision tabata encabeza pa Prof. mr. Jan de Boer y despues di seis luna di trabou e comision a entrega su conseho na ministro di Husticia. Conseho di ministro a trata e rapport y a mand’e pa Raad van Advies.
Algun cambio cu e comision ta propone ta tocante dunamento di fam na momento di nacemento di e prome yiu, herencia, stipulacion hudicial di paternidad, reparticion di biennan, cuido di yiunan despues di anulacion di matrimonio, compra di cas, separa capital pa financiamento di estudio di un yiu, stipulacion di prijs di huur di cas, terminacion di acuerdo di labor ora di yega edad di pensioen.
Na momento di entregamento di e rapport na ministro di Husticia señor Rudy Croes tabata presente e miembronan di comision mr. Herman Franssen, mr. Esther Spaans, mr. Robin Croes, mr. Jan de Boer, mr. Faride Tjon Ajong y mr. Carlos Bollen.
|
|
|
|
|
 |
|
|
|
|
You may bookmark this web page, print it or e-mail it to
a friend in accordance with the fair-use provisions of
copyright laws. The material is intended solely for the use
of the individual user.
Archiving, redistribution, or republication of this
material
on other terms, in any medium, requires the express
written permission of the author or publication and the
notification of the editors of Caribseek News. |
|
|
|
|
|
|
| |
|
