|
|
|
 |
|
|
Paspoort nobo lo tin chip cu fingerprint
By Gobiernu di Aruba
Posted: Sep 18, 2009 01:12 UTC
|
ORANJESTAD - Entrante 21 di september proximo, e funcionario na oficina di Censo lo tuma fingerprinti di tur hende cu aplica pa un paspoort nobo.
Despues cu Hulanda a introduci un chip cu fingerprint den e paspoort Hulandes na aña 2006, awo Aruba ta cla pa haci esaki. Na 2004 Union Europeo a introduci e ley aki cu e meta pa combati mas tanto cu ta posibel maluzo di documentonan di biahe.
E regla aki ta obligatorio pero tin algun caso di excepcion manera si fisicamente ta imposibel pa tuma fingerprint di un persona, anto e lo haya un paspoort valido pa cinco aña sin cu esaki tin su marcanan di dede den dje. Tambe si den caso cu ta temporalmente imposibel pa tuma fingerprint di e persona tin dos posibilidad: of bo ta warda te ora ta posibel pa tuma un fingerprint of bo ta haya un paspoort cu un validez di diesdos luna maximo. Otro excepcion ta cu no ta tuma fingerprint di mucha bou di 12 aña.
Ora di aplica pa un paspoort nobo e persona mester trece e paspoort anterior, un potret cu ta cumpli cu exigencianan di ley, un copia autentica di e proces-verbaal traha pa Polis den caso cu a haci denuncia di hortamento di bo paspoort y placa cash.
Ta tuma cuatro fingerprint electronicamente y tur fingerprint ta keda registra den e administracion di paspoort. Lo registra dos marca di dede den e chip cu tin den e paspoort
|
|
|
|
|
 |
|
|
|
|
You may bookmark this web page, print it or e-mail it to
a friend in accordance with the fair-use provisions of
copyright laws. The material is intended solely for the use
of the individual user.
Archiving, redistribution, or republication of this
material
on other terms, in any medium, requires the express
written permission of the author or publication and the
notification of the editors of Caribseek News. |
|
|
|
|
|
|
| |
|
