You are here

  • Sharebar

Miembronan Di Ekipo A Celebra Carnaval Cu Un Jump ‘N Shine

Miembronan Di Ekipo A Celebra Carnaval Cu Un Jump ‘N Shine

PALM BEACH -- Un evento dibertido di Carnaval recientemente a wordo organisa riba e parkeerplaats di Hilton Aruba Caribbean Resort & Casino, treciendo hunto e miembronan di ekipo pa un tiki diberticion Carnavalesco.  

E evento a wordo organisa cuidadosamente y ehecuta perfectamente pa e departamento di recursonan humano, kendenan a recluta algun di e isla su top personalidadnan Carnavalesco, na honor di e ocasion.

E emceenan di e evento, nos isla su Prins di Carnaval Roddymar Statia y Pancho Fino Rodriguez, a provee e entretenimento durante e pausanan den e programa, cual a inclui e musica en bibo di DJ Big B., un baile cu coreografia presenta pa e bailarinanan talentoso di NLG, un presentacion di TBS Brass, y pa e finale, e ganador di e titulo di Rey di Caiso & Soca 2017, e cantante Blacky, presentando su road march ganado, Slip & Slide.   

E evento di Jump ‘N Shine ademas di algun pasapalo y cocktail a ofrece algun competencia dibertido; Miho Costuum a wordo gana pa Greici Terrero, Food & Beverage. El a wordo premia cu dos anochi na Hilton Aruba Caribbean Resort & Casino. Minerva Marquez, Housekeeping, tabata e finalist, ganando un cena pa dos na Sunset Grille. E competencia di baile excitante a wordo gana pa Gabriel Morales, Food & Beverage. E tambe lo ta hospedando na e resort pa dos anochi. Errol da Costa, Food &Beverage y Mary Fingal, Accounting, ambos a gana macuto di Maggy's Perfumeries.            

Aki por mira algun momento di un evento exitoso riba e parkeerplaats.