You are here

  • Sharebar

Lotto Ta Felicita Aruba Volleyball Association Kendenan A Host E Tremendo Prome Ronda Di E “World Championship Qualification Tournament”

Lotto Ta Felicita Aruba Volleyball Association Kendenan A Host E Tremendo Prome Ronda Di E “World Championship Qualification Tournament”

ORANJESTAD -- Durante e weekend tras di lomba a tuma lugar na Aruba e prome ronda di e “World Championship Qualification Tournament” den e deporte di volleyball femenino cu mas cu claro a conta cu e participacion di e seleccion mayor di volleyball femenino di Aruba.

Mester bisa cu paisnan cu a bishita tabata Martinique, Surinam y Haiti kendenan tabata den e poule hunto cu Aruba.

Riba e prome dia e seleccion nacional di Aruba a cay venci den un tremendo wega contra di Martinique cu a score di 3 – 1. E diadomingo Aruba a hunga un doublelheader unda cu den e prome wega a hunga contra di Haiti unda a perde cu e score di 3 – 0 mientras den oranan di anochi a perde di e fuerte ekipo di Surinam 3 – 1 cu a lo largo a triunfa como e miho ekipo den e cualificacion aki sin perde un set. Pa nos atletanan sigur e tabata un experencia unico mirando cu nos a duna bataya y a enfrenta algun pais considera como fuerte den e region di Caribe. Un esfuerso grandi a wordo haci pa tur esnan envolvi pa rebiba e deporte di volleyball na Aruba y sigur torneonan di e caliber aki lo contribui grandemente na e vision unda kier yega cu e deporte aki. Awor nos mester traha mas duro pa e proximo competencia riba e calendario.

Un danki sigur na Lotto, e Loteria di Aruba pa medio di Comision di Subsidio a yuda subisdia e “World Championship Qualification Tournament” den e deporte di volleyball femenino

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.