You are here

  • Sharebar

Federacion Di Esgrima Lo Tene Nan Arubaanse Kampioenschappen 2016

Federacion Di Esgrima Lo Tene Nan Arubaanse Kampioenschappen 2016

ORANJESTAD -- Diadomingo awor 20 di November, e federacion di esgrima SABA lo tene nan tradicional Arubaanse Kampioenschappen den e sala di recreacion di e scol Cristo Rey na Brazil.

E inscripcion lo ta 9or di mainta mientras e competencia mes lo inicia pa 10or di mainta. Clausurando e aña exitoso tras di lomba, pa e federacion di Esgrima, esaki lo ta peno ultimo competencia pa loke ta e aña 2016, mirando cu den luna di december lo sera esaki cu Copa Jerry Gomez dia 11 of 18 di december.

Mester bisa cu e atletanan di e tres clubnan di esgrima na Aruba esta Universal Fencing Club, Scherm Club Brazil y Don Bosco Knights ta duna un berdadero espectaculo den e deporte di arte martial.  E deporte di esgrima ta den pleno desaroyo na Aruba unda hobennan manera entre otro Tirslain Jansen kende ta un di e prospectonan hoben de e deprote di arte martial cu ta sobresali. Recientemente den e competencia internacional Dutch Caribbean Championship na Corsow, e hoben Jansen a sa na logra vario medaya pa Aruba.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di esgrima Arubaanse Kampioenschapen 2016.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.