You are here

  • Sharebar

Na Caminda Pa Caribbean Sea Jazz Festival Aruba 2016!

ECA NV Aruba
Na Caminda Pa Caribbean Sea Jazz Festival Aruba 2016!

ORANJESTAD -- Djasabra atardi Caribbean Sea Jazz Festival Aruba a lansa e komienso ku e di 10 edicion di e festival ku un konferensha di prensa na Korsow.

E aña aki Caribbean Sea Jazz festival ta celebrando su di 10 aniversario. I por mira kon un festival ku a cuminsa asina chiki i a krece bira un festival renombra den Caribe. Awe e ta un di e festivalnan kaminda ta reina mas ambiente na Aruba speshalmente pa e combinashon di Musica, Arte i Kuminda.

Bishitantenan por pasa i aprecia e exposishon di arte den kual lo tuma lugar den e Ballroom di Renaissance durante e dos dianan di e festival i tambe por participa den un “silent auction” pa asina por bay kas cu algun di e obranan di arte spectakular cu lo ser presenta. Tambe durante e festival lo ta bai tin diferente restaurant presente pa asina ofrece e bishitantenan kumindanan dushi pa por disfruta durante e festival.

Durante e konferensha di prensa e fundador Sr. Erik Jan Eman a presenta e line up pa Sèptèmber 23 i 24.

Djabièrna 23 di Sèptèmber Caribbean Sea Jazz Festival lo presenta:New Cool Collective Ft. Matt Bianco, Kool & The Gang, Tony Succar’s Latin Show, Ivan Neville’s Dumpstaphunk, Caribbo i tambe Serghio Jansen.

I riba Djasabra 24 di Sèptèmber lo presenta:  Unity ft. Jon Secada, Izaline Calister, Franky Janga, Levi Silvani ft Randal Coson i Carlos Bislip.

Sr. Levi Silvanie tambe tabata presente pa asina splika un tiki tokante e proyekto nobo e tin hunto ku Sr. Randal Corsen. E koncierto aki ta un ku ta motiva abase di storianan real den un forma di musica. Cu e show nan lo kier hiba e oudiensia un luga spiritual cu kanticanan elevante

Hunto na e conferencia tambe tabata presente un di e sponsernan y mas cu claro sin nan e festival aki no lo ta posibel. Un danki special ta bay : ATA, AAA, Divi Resorts, Renaissance Hotel, Chill, Unoca y Purple Entertainement.

Sr. Benson di “ATA” a splica ku ATA ta kompletamenta tras di Caribbean Sea Jazz Festival i ta kontentu pa celebra hunto ku nan e di 10 aniversario i ta spera pa sigi traha 10 aña pa progreso di e Festival. E festival tur aña ta atrae un kantidad grandi di bishitantenan, tanto di nos islanan cerka den Caribe pero tambe turistanan di Merca, Europa i latino America.

Caribbean Sea Jazz Festival 2016 lo ta bay ta durante e wikènt  di 23 i 24 di Sèptèmber. I lo tuma lugar un biaha mas na Renaissance Festival Plaza. Un invitacion speshal ta bay pa e pueblo di Korsow pa probecha i kumpra karchi na prijs special di Early Bird Special pa solamente $40,- i ta obtenibel na A1 Travel pa mas informashon bishitanan riba www.a1travelcuracao.com  karchinan ta obtenibel riba nos website official www.caribbeanseajazz.com. E oferta ta valido te cu fin di luna di Jüni. Pasa bishita A1 Travel awe mas pa asina book bo pakete pa pasa un dushi wikènt na Aruba y disfruta di e ambiente di Caribbean Sea Jazz festival.