You are here

  • Sharebar

Kolaborashon Mas Estrecho Entre OCTA I Union Europeo Riba Tereno Di Energia Sustenibel

Kolaborashon Mas Estrecho Entre OCTA I Union Europeo Riba Tereno Di Energia Sustenibel
Kolaborashon Mas Estrecho Entre OCTA I Union Europeo Riba Tereno Di Energia Sustenibel

WILLEMSTAD -- Diabièrne 26 di februari último, durante di e di 14 Foro entre Union Europeo i su Paisnan i Teritorionan Ultramar, ku a tuma lugá na Bruselas,  Minister-presidènt Dr. Bernard Whiteman, Presidente saliente di OCTA, a firma na nòmber di tur 22 miembro di e Asosashon di Paisnan i Teritorionan Ultramar (OCTA), huntu ku e Komisario Europeo pa Ko-operashon Internashonal i Desaroyo, señor Neven Mimica, un Deklarashon Komún entre Union Europeo i e LGO nan pa reforsá kolaborashon riba e tereno di energia sustenibel.

Riba e portada por weta e momentu di e firmamentu di e deklarashon den kual OCTA i Union Europeo a komprometé nan mes pa di tur dos banda sostené e proseso di transishon pa uso di energia sustenibel den e LGO nan. Union Europeo lo hasi esaki entre otro dor di promové e desaroyo, uso i almasementu di energia fòr di fuentenan renovabel, promové e desaroyo i e uso di medionan di transportashon ku no ta dañino pa medio ambiente i tambe dor di promové infrastrukturanan turístiko den e LGO nan ku ta basá riba energia renovabel.

Di nan banda e LGO nan a hasi e kompromiso ku nan lo sòru pa un sistema regulatorio i legislativo ku ta kontribuí na e desaroyo di e sektor di energia sustenibel, promové uso di teknología i solushonnan di energia sustenibel ku ta limitá e impakto negativo di generashon, i uso di energia riba klima i medio ambiente.

Por último e LGO nan a primintí ku nan lo stimulá invershonnan privá i enbolbimentu di sektor privá den e sektor di energia sustenibel.