You are here

  • Sharebar

Monumentenbureau Hunto Cu Museo Archeologico Arubano Ta Investiga Sitio Di Graf Historico Na Sero Alejandro

Monumentenbureau Hunto Cu Museo Archeologico Arubano Ta Investiga Sitio Di Graf Historico Na Sero Alejandro

ORANJESTAD -- Na aña 2008 sr.Dufi Kock a aserca Monumentenbureau pa trece informacionnan tocante e grafnan di e Prome Commandeur di Aruba y su famia situa na Sero Alehandro.

Segun sr.Dufi Kock na aña 1660, sr.Hendrick Martens tabata e Prome Commandeur di Aruba y a fayece na aña 1663. E a wordo dera na Sero Alehandro.

Recientemente Monumentenbureau, Stichting Monunmentenfonds, sr.Dufi Kock y sr.Evert Bongers tabata na e sitio caminda e grafnan ta situa. E grafnan aki a wordo hala for di nan localidad original durante un rosamento dei e tereno. E grafnan aki tabata manera e otro grafnan tipo Commandeurs (Cilinder rondo) manera esunan na Sero Patrishi, Hato y Savaneta cu a wordo restaura den pasado door Monumentenbureau. E grafnan akin a Sero Alejandro lastimamente a wordo kibra.

Monumentenbureau y Museo Archeologico Arubano den un colaboracion estrecho ta haciendo un investigacion di e grafnan aki. E dos instancianan gobernamental aki ta encarga y lo guia e investigacion y proyecto aki. Despues Monumentenbureau lo explora di ki manera lo por duna reconocimento na e sitio y e famia cu ta dera na e sitio aki, ja cu e grafnan/keldernan mes no ta existi mas. Loke ta bay investiga ta pa verifica si ta berdad e grafnan ta existi y nan localidad ta unda nan ta sospecha riba e tereno. Ademas lo investiga si di berdad nan ta e grafnan di sr.Hendrick Martens y su famia. Diabierna dia 19 februari 2016 a cuminsa e proceso di investigacion di e localidad di e grafnan.