You are here

  • Sharebar

Djadumingu Awor Durante Inskripshon Di Tumba 2016 MCB, É Banko Di Tumba Ta Ofresé Preis Spesial Pa Karchi Di Tumba

Djadumingu Awor Durante Inskripshon Di Tumba 2016 MCB, É Banko Di Tumba Ta Ofresé Preis Spesial Pa Karchi Di Tumba

WILEMSTAD (MCB) -- Maduro & Curiel's Bank, e aña aki tambe ta é Banko di Tumba i orguyoso Branding Partner di Festival di Tumba 2016 ku e aña aki ta dediká na un gran músiko Jose “Uti” Gregorio.

MCB ta duna su klientenan e oportunidat pa kumpra karchi di entrada na tarifa redusí. Inskripshon di Tumba, ku ta tuma lugá djadumingu awor dia 10 di yanüari na Curaçao Festival Center, Bo Banko Amigu for di 3:00 pm pa 5:00 pm ta pone un total di 200 karchi di entrada General i 100 karchi di entrada Red Carpet disponibel pa su klientenan, na un preis redusí.

Komo parti di nos selebrashon Rumbo pa 100 aña, MCB ta pone un total di 200 karchi di entrada General i 100 karchi di entrada Red Carpet disponibel pa su klientenan, na un preis redusí. Esaki pues ta duna mas kliente e oportunidat di disfruta di nos Festival di Tumba den Curaçao Festival Center.

Preis spesial di Bo Banko Amigu pa entrada General ta NAf. 65,-- i preis spesial pa e sekshon di Red Carpet ta NAf. 300,--.

Kompra di karchi di entrada na e preis spesial aki ta posibel solamente ku bo tarheta Bankomatiko Smartcard òf ku tarheta di Kompa Leon ku un máksimo di 2 karchi pa persona. Tene kuenta ku riba e dia aki pa kompra di e karchi na preis spesial no por paga ku sèn kèsh.

Bishitá Curaçao Festival Center djadumingu awor di 3 pm pa 5 pm i probechá kumpra karchi di Festival di Tumba 2016 na un preis redusí i kuminsá drenta den e ambiente di tumba. Maduro & Curiel's Bank, é Banko di Tumba, ta deseá bo un dushi temporada di karnaval i keda pendiente pa mas sorpresa di Bo Banko Amigu durante e dianan di e festival 18 pa 22 di yanüari.