You are here

  • Sharebar

Playa Linda Orguyoso Di Ta Sponsor Di Evento “Hoben Y Talentoso”

Playa Linda Orguyoso Di Ta Sponsor Di Evento “Hoben Y Talentoso”
Steven Marra.

ORANJESTAD -- Recientemente a keda presenta e publicacion di ‘Hoben y Talentoso’ den cual 28 hoben a wordo reconoci pa nan talento.

Esaki a tuma luga durante un ceremonia na Cas di Cultura. Playa Linda tabata e sponsor principal pa di dos aña sigui demostrando asina nan envolvimento cu e evento aki.

Steven Mara, General Manager di Playa Linda, riba e anochi di e ceremonia a expresa cu pa e hotel ta un honor di ta un sponsor y forma parti di e programa positivo ’Hoben y Talentoso’. “Tabata tremendo pa mira un cantidad di hoben talentoso hunto. Ta un honor pa ta parti di esaki un biaha mas. Un tremendo estimulo pa e hobennan di Aruba.” Pa Playa Linda e tin su beneficio, segun el a bisa, ya cu entre e hobennan talentoso honra, e hotel ta mira posibilidad pa algun di nan forma parti di nan team haciendo loke nan ta resalta den dje.

Playa Linda ta un hotel cu ta den continuo embeyecemento di su propiedad. Recientemente  a finalisa renobacion di e pool cu a encera un inversion di 1.3 miyon dollar y e hotel ta den proceso pa crea un entrada principal nobo cu su borchi y bunita decoracion. Esaki probablemente lo keda cla den e proximo simannan. A caba di renoba un restaurant na e parti dilanti, tin un restaurant nobo y a mehora e minimarket. E siguiente trabou ta un “landscaping” nobo dilanti henter e resort y sigui traha riba e servicio.

Na e hobennan cu a wordo reconoci, GM Steven Mara a manda palabra di estimulo pa nan mantene nan enfoke, nan pasion y energia cu ta haci nan special.