You are here

  • Sharebar

Prome Minister Eman Y Sra. Doina Ta Felicita Sra.Digna Lacle-Herrera

Prome Minister Eman Y Sra. Doina Ta Felicita Sra.Digna Lacle-Herrera

ORANJESTAD -- Siman pasa Digna Lacle-Herrera a celebra su 90 aniversario. Un edad respeta cu no ppor pasa bay sin mas.

Famia, amistadnan, bisiña y coleganan tanto di enseñansa como di politica a yega cerca pa saluda y felicita e dama Digna Lacle-Herrera. Un persona masha stima, respeta y hopi conoci den comunidad pa su poesianan bunita, pa a yuda hopi hoben cu awe ta adultonan responsabel y pa e politico corecto cu semper el a hiba.

Un hende cu no ta riña pa bisa e cos manera e ta, cu ta respeta otro y ta wordo respeta pa su bida ehemplar. Entre esnan cu a yega na Renaissance Ballroom pa felicita sra. Digna tabata Prome Minister Mike Eman, kende a wordo compaña pa su sra. Doina. Mike, kende sra. Digna conoce di tempo e tabata mucha, a regal’e un potret cu tin sentimentonan special p’e y pa sra. Digna. Un gesto cu a wordo masha aprecia.

E fiesta a bay den tremendo ambiente, sigur ora Sharon Rose a canta algun cancion bunita pa e cumpleañera. ‘Cu sra. Digna biba hopi aña mas pa sigui entretene nos cu su remitidonan den corant y cu su bunita y encantador poesianan’, a wordo expresa door di esnan presente. Sra. Digna Lacle-Herrera ta riba caminda awor pa celebra un siglo riba mundo.