You are here

  • Sharebar

Reunion General Ekstra Ordinario Riba Festival Di Tumba 2016 Pa Djarason 14 Di Oktober 2015

WILLEMSTAD (AMAK) -- Direktiva di AMAK ta hasi un invitashon na tur su miembronan pa partisipá na un reunion èkstra ordinario kual lo tuma lugá djamars próksimo dia 14 di òktober 2015, den sala Newburn Patricks na Curaçao Festival Center.

E reunion originalmente mester a tuma lugá djamars dia 13 di oktober, pero pa motibunan imprevisto, nos ta haña nos mes ta schuif esaki pa un dia despues, esta djarason dia 14 di oktober  2015.  Ta trata aki i un reunion di sumo importansia pa miembronan asistí na e reunion  pa tuma desishon i ratifiká proposishonnan ku a bini dilanti durante di reunionnan den komishonnan chikitu.

Un punto hopi remarkabel durante di e  reunion aki ta kon por hasi Festival di Tumba 2016 mas atraktivo, pa muy espesialmente esnan ku no ta kai den klasifikashon. Tin algun proposishon konkreto riba mesa ku lo benefisiá músikonan hòbinan i gruponan musikal ku no ta klasifiká. E reunion  ta kuminsá pa 18:30 i si no tin quorum, lo kontinuá ku e reunion pa 19:00, esta 7 or di anochi. Ta hasi un súplika na tur miembro pa nan bini na tempu, ya ku  e reunion lo dura te ku 20:30

Direktiva di AMAK ta  spera ku por lo menos un miembro di kada agrupashon musikal lo tei presente pa asina ei  por transmití tur e lokualnan ku a keda diskutí den e reunion na e demas miembronan.

Pues un invitashon na tur miembronan pa nan asistí djarason dia 14 di oktober 2015 na e reunion, riba Festival di Tumba 2016 pa 18:30 na Curaçao Festival Center.