You are here

  • Sharebar

Deloitte A Ofrece Un Evento Social Na Tierra Del Sol

Deloitte Dutch Caribbean
Deloitte A Ofrece Un Evento Social Na Tierra Del Sol

ORANJESTAD -- Deloitte Dutch Caribbean a entretene clientenan distingui, invitadonan y coleganan durante un evento di negoshi cu a tuma luga recientemente, marcando e conclusion exitoso di su aña fiscal.

E hardinnan y area di piscina na Tierra del Sol Golf Course and Country Club a sirbi como e sitio pa un fiesta di cocktail di aprecio di cliente tan disfruta, cu expertonan di Audit, Consulting, Enterprise Risk Services, Financial Consulting y Tax, ricibiendo y combersando cu e invitadonan.  

Durante su discurso cortico di bon bini, partner Michael Leo van Romondt a gradici su invitadonan cu a tuma e tempo pa presenta na e fiesta. Deloitte Dutch Caribbean ta sigui cambia su direccion y enfoke, el a bisa, pa bira un organisacion di servicio mas amplio, unda e enfoke ta pa bira un partner di negoshi confia pa nan clientenan, riba mas tanto nivel di negoshi cu ta posible.  

Deloitte a experiencia un aña fiscal 2014/2015 exitoso, el a bisa, cu un presencia mas grandi den e industria na Aruba, y creciendo su presencia den e mercado mas cu loke tabata e espectativanan, danki na e contribucionnan positivo di un ekipo di profesionalnan y un colaboracion facil cu Deloitte Hulanda, cual ta agrega balor y calidad na e productonan local di Deloitte.

Mescos cu e isla di Aruba, van Romondt a sigui splica, Deloitte Dutch Caribbean ta un compania dirigi riba servicio, y ta depende riba su hendenan, y ta considera su capital humano sumamente importante. Mientras cu e ta mira dilanti riba un aña cu su retonan pa e economia Arubiano, cu hopi pregunta sin contesta pa loke ta e medidanan cu lo wordo tuma pa por drecha e isla su finanzas publico, e ta comparti e inseguridad den e publico y ta reconoce e tantisimo retonan cu clientenan lo mester enfrenta den e futuro sercano.   

Pero, temponan dificil, manera boso sa, el a reitera, ta saca lo miho di nos hendenan, y cu creatividad y pensamento unico, hopi por wordo logra.

Como areanan di crecemento pa Deloitte Antiyas Hulandes, van Romondt a introduci Maghalie Bunt, un experto lider y un partner specialisando den topiconan di Capital Humano, y el a declara cu pa Cyber Security, Deloitte ta contento di por ta un lider riba e mercado, cu e compania su ekipo experto di riesgo di empresa trahando duro pa mantene un Aruba sigur den e mundo cyber.  

E fiesta casual bou di e streyanan a conta cu tremendo catering di e ekipo di bankete di Tierra del Sol, cu un sin fin di cocktail y hors d'oeuvres sirbi, mientras cu e Bamboo band a provee e musica en bibo excelente. Hopi di e portretnan cu a wordo saca por ser mira riba e paginan di media social di e compania.