You are here

  • Sharebar

Minister Larmonie-Cecilia A Bishitá Instalashonnan Di Curaçao North Sea Jazz Festival Na WTC

Ministerio Di Desaroyo Sosial, Labor I Bienestar
Minister Larmonie-Cecilia A Bishitá Instalashonnan Di Curaçao North Sea Jazz Festival Na WTC

WILLEMSTAD -- Resientemente Sra. Larmonie-Cecilia, Minister di Desaroyo Sosial, Labor i Bienestar, a hasi un bishita di trabou (i rekorido riba tereno di WTC) huntu ku Sr. Mattheeuw di Inspekshon di Labor & Siguridat na Trabou na instalashonnan di Curaçao North Sea Jazz Festival na WTC.

Na e sitio Sr. Roberto i Sr. Jim Lo-A-Njoe (Massive Sound) a duna splikashon amplio di lokual SOAW por spera di CNSJF pa kuponan di trabou pa hende lokal i tambe nan siguridat na boka di trabou.

E siguiente sifranan ta un aproksimashon di e kantidat di hende ku lo tei presente durante e festividat for di komienso te final. A indiká na minister ku tin mas of ménos 350 hóben ta laborá den e parti di konsumo di kuminda i bebida (via The Trader). Un alrededor di 115 persona lo traha trabou di seguridat, mas òf ménos 60 persona lo hasi trabounan tékniko (zonido, lus i podio), mas òf ménos 40 persona (stagehands) lo tei pa yuda artista i banda na momentu ku mester monta i desmantela instrumento riba podio. Banda di esei a sigurá minister ku tin mas trahadó i kompanianan lokal envolví di un forma direkto òf indirekto ku Curaçao North Sea Jazz Festival.

Na final Minister a haña chèns pa saka portrèt ku e famoso Rei di Salsa, Sr. Oscar D'León. Minister ta pidi tur trahadó pa duna bishitantenan un bunita eksperiensia riba nos dushi isla, dunando organisadónan di Curaçao North Sea Jazz Festival e motivashon pa organisá mas aktividat ku ta benefisiá nos pueblo.