You are here

  • Sharebar

Brazil Taekwondo Stichting Su Team Di "Train Hard Fight Smart" A Regresa Aruba Diahuebs Cu 8 Medaya For Di Korea.

Brazil Taekwondo Stichting Su Team Di "Train Hard Fight Smart" A Regresa Aruba Diahuebs Cu 8 Medaya For Di Korea.

ORANJESTAD -- Brazil Taekwondo Stichting su team a wordo ricibi na airport door di e mayornan di e atletanan kendenan a bin cu blaas pa asina yama bon bini bek na e team di Train Hard Fight Smart cu a logra un total di 8 medaya na Korea na dos campeonato di taya.

E team tabata bou encargo di ex campeon Mundial y Hall of Famer Henk Meijer kende a guia e team na Korea for di dia 17 di Juli te cu dia 11 di Augustus 2015. Henk Meijer ta bon conoci den e mundo di Taekwondo pa ta e promer non Koreano pa gana un Koreano na un campeonato mundial pa knock out. Henk Meijer a tuma e responsabilidad pa guia Clifford Rasmijn como coach di Brazil Taekwondo Stichting y a regla tur cos na Korea for di e dos campeonatonan, camptraining, sight seeing, bisihita na e legendario Grand Master Kang na Suwon Korea y mucho mas.

Brazil Taekwondo Stichting su team a demonstra un biaha mas cu train duro ta paga y tambe cu semper ta regresa Aruba bek cu premio na unda cu biaha rond mundo. Aña pasa a plania e biahe aki y ta wak atras na un total di 8 medaya conkista y ainda ta falta e Campeonato Mundial di Cadet na Korea y Alberto Klabér ta conta cu un medaya mas.

Na e Open Korea 2015 cual tabata un campeonato G2 a logra 3 medaya. Jourdé Klabér y Joshua Klabér a gana medaya di brons. Danon Delamore a gana medaya di oro. Na e 2015 Taekwondo World Children's Culture Festival a gana 3 medaya di oro y 2 medaya di silver. Danon Delamore, Rasheed Lowe y Hakeem Lowe a gana medaya di oro. Joshua Klabér y Justin Arrindell a gana medaya di plata. Mirando e resultadonan di Brazil Taekwondo Stichting ta bisto cu e team tabata bon prepara pa ambos evento, specialmente e resultado di e Open Korea cu ta un G2 ranking y Jourdé Klabér a para firme contra di e Koreanonan y a marca historia, pero a entrega su mes den e di 3er pelea enbes di a bringa y sigui para firme pa bay final. E dos rumannan Lowe tin cuenta pa regla dia cu nan bay bek Korea pa asina participa na e Open Korea.

Brazil Taekwondo Stichting ta gradici e sponsernan kendenan a pone nan confiansa den e team di Train Hard Fight Smart di Brazil Taekwondo Stichting.